Bakı. Trend:
Türkiyənin şərqindəki Qars vilayətində mikroavtobusların toqquşması nəticəsində azı 27 nəfər xəsarət alıb.
Trend xəbər verir ki, hadisə axşam saatlarında yol ayrıcında baş verib.
Qəzaya düşən sərnişin mikroavtobuslarından biri Sarıqamış şəhərinə, digəri isə Kağızman istiqamətində hərəkət edirdi. Hadisə yerindən çəkilən görüntülərdə mikroavtobuslardan birinin digəri ilə toqquşaraq dirəyə çırpıldığı və az qala yan üstə düşdüyü müşahidə olunur.
Hadisə yerinə təcili tibbi xidmət əməkdaşları cəlb olunub. Yaralananlar xəstəxanaya çatdırılıb, onlardan birinin vəziyyəti ağırdır.