Bakı.Trend:
2025-ci ildə Azərbaycan Respublikası Prezidentinin 2025-ci il 30 yanvar tarixli 456 nömrəli Sərəncamı ilə təsdiq edilən “Bakı şəhərində və ətraf ərazilərdə nəqliyyat infrastrukturunun təkmilləşdirilməsi üzrə 2025-2030-cu illər üçün Dövlət Proqramı”nın icrası çərçivəsində Bakı Metropoliteni tərəfindən 30 vaqon ölkəyə gətirilib və bu vaqonların 20 ədədi istismara verilib.
Trend-in məlumatına görə, bu, Milli Məclisin plenar iclasında müzakirə olunan Nazirlər Kabinetinin 2025-ci ildə fəaliyyəti haqqında hesabatında öz əksini tapıb.
Hazırda ölkəyə gətirilən yeni vaqonların neçə ədədi metroda istismar edilir?
Məsələ ilə bağlı “Bakı Metropoliteni “QSC”-dən Trend-ə bildirilib ki, “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı”na əsasən ölkəyə gətirilən 30 vaqondan 25-i istismara verilib.
Qurumdan əlavə edilib ki, 5 vaqonda isə sazlama işləri aparılir və yaxın zamanda istismara veriləcək.