Bakı. Trend:
Serbiyanın Zrenyanin şəhərində güləş üzrə U23 Avropa çempionatı davam edir.
Trend xəbər verir ki, yarışın 5-ci günündə iki qadın güləşçimiz həlledici görüşlərdə mübarizə aparıb.
Ruzanna Məmmədova (62 kq) final görüşündə rusiyalı Amina Tandelovaya 3:5 hesabıyla məğlub olaraq gümüş medal qazanıb.
Nərgiz Səmədova (53 kq) bürünc medal görüşündə türkiyəli Şevval Çayıra 0:12 hesabı ilə uduzub və beşinci yerə sahib olub.
Beləliklə, Azərbaycan millisi qitə birinciliyini 3 medalla başa vurub. Xatırladaq ki, ötən gün Günay Qurbanova (59 kq) qızıl, Gültəkin Şirinova (55 kq) isə gümüş medal qazanmışdı.