Bakı. Trend:
"Qarabağ" futbol klubu Bolqarıstanın “Botev” klubunda çıxış edən qvineyalı futbolçu Antuan Konteni heyətinə qatmaq istəyir.
Trend-in məlumatına görə, bu barədə Bolqarıstan mətbuatı xəbər verib.
Məlumata əsasən, Ağdam klubu artıq Plovdiv təmsilçisi ilə danışıqlara başlayıb.
Azərbaycan çempionu müdafiə xəttindəki boşluğu məhz 31 yaşlı oyunçu ilə aradan qaldırmağı planlaşdırır.
Qeyd edək ki, bu mövsüm “Botev”in heyətində 21 matçda meydana çıxan Antuan Konte ikili vətəndaşlığa sahibdir. Vaxtilə Fransanın aşağı yaş qrupları üzrə yığmalarının formasını geyinmiş futbolçu hazırda Qvineya millisində çıxış edir.