Bakı. Trend:
İsrail Hərbi Hava Qüvvələri Tehrana yeni bir zərbə dalğası endirib və bu hücumlar zamanı İslam İnqilabı Keşikçiləri Korpusu (SEPAH) və İranın müxtəlif təhlükəsizlik qurumlarının onlarla qərargahına zərbələr endirilib.
Trend xəbər verir ki, bu barədə İsrail ordusunun mətbuat xidməti məlumat yayıb.
Hərbi bəyanatda bildirilir ki, İranın daxili təhlükəsizlik xidmətlərinin qərargahları, bazaları və regional komandanlıq mərkəzləri hücuma məruz qalıb. Həmçinin, İran Kəşfiyyat Nazirliyinin ondan çox qərargahı və SEPAH-ın xüsusi təyinatlı qüvvələr bölməsinin çoxsaylı qərargahları vurulub.
Ordu əlavə edib: “Bundan əlavə, raket buraxıcıları, silah fabrikləri və SEPAH Hərbi Hava Qüvvələrinin infrastruktur obyektləri kütləvi zərbələrə məruz qalıb.”