Bakı. Trend:
Azərbaycan Premyer Liqasında iki oyunun vaxtı dəyişdirilib.
Trend Peşəkar Futbol Liqasına istinadən məlumat verir ki, “Sumqayıt”, “Zirə”, “Neftçi” və AZAL klubları PFL-ə müraciət ediblər. Həmin klublar Azərbaycan Kubokunun ¼ final mərhələsinin ilk oyunları (13 dekabr) ilə Premyer Liqanın XIV turunun görüşləri arasında vaxtın az olduğunu əsas gətirərək, “Sumqayıt” – “Zirə” və “Neftçi” – AZAL görüşlərinin bir gün sonraya keçirilməsini xahiş ediblər.
Bütün bunları nəzərə alan PFL XIV turun “Sumqayıt” – “Zirə”, “Neftçi” – AZAL görüşünün 17 dekabrda oynanılmasına razılıq verib.
Beləliklə, XIV turun bütün görüşləri eyni gündə, yəni 17 dekabrda reallaşacaq.