...

Gəncə şəhər stadionunda təmir-bərpa işləri sürətlənib (FOTO)

İdman Materials 2 May 2018 17:18 (UTC +04:00)
Gəncə şəhər stadionunda təmir-bərpa işləri aparılır.
Gəncə şəhər stadionunda təmir-bərpa işləri sürətlənib (FOTO)

Bakı. Trend:

Gəncə şəhər stadionunda bir müddətdir davam edən təmir-bərpa işləri sürətlənib.

Bu barədə Trend "Kəpəz" futbol klubuna istinadən məlumat verir.

"Kəpəz"in ev oyunlarını keçirdiyi arenada aparılan təmir üçün inşaat briqadalarının tərkibinə xeyli canlı qüvvə və ağır texnika cəlb edilib. Klub tərəfindən görülən işlərə Gəncə şəhər İcra Hakimiyyəti hərtərəfli dəstək verir.

Stadionun ərazisində standart ölçülərə uyğun iki meydança salınacaq. Qazonlardan biri süni, digəri təbii ot örtüyündən ibarət olacaq. Hazırda bu istiqamətdə hazırlıq işləri görülür. Meydançalar hazır olan kimi burada komandaların məşq etməsi, eyni zamanda oyunlar keçirməsi üçün əlverişli şərait yaranacaq.

Arenanın, həmçinin VİP sektorunda əsaslı təmir aparılır, rəsmi qonaqlar üçün nəzərdə tutulan otaqlar, AFFA nümayəndələri, eləcə də şərhçi kabinələri yenidən qurulur. Stadionun ərazisində bardürlər yenilənir, asfalt örtüyü salınır, hasar çəkilir. Ayrıca müvafiq yerlərə tamet üzlük daşlarının döşənməsi də nəzərdə tutulub. Müasir işıqlanma sisteminin qurulması üçün əlavə elektrik dirəkləri basdırılıb.

Yenidənqurma işləri eyni vaxtda bazada da aparılır. Binanın fasadı, təmirə ehtiyac duyulan eyvanlar yenilənir.

Görülən işlər “Kəpəz”in əsas və əvəzedici komandasının, eləcə də klubun tərkibində fəaliyyət göstərən müxtəlif yaş qruplarından ibarət 9 komandanın maddi-texniki bazasının yaxşılaşdırılmasına hesablanıb. İnfrastruktur sahəsində köklü dəyişikliklər, həyata keçirilən layihələr futbolun inkişafına böyük dəstəkdir.

Məqalədə:
Xəbər lenti

Xəbər lenti