Bakı. Tural Turan - Trend:
Futbol üzrə Azərbaycan Premyer Liqasında növbəti tura yekun vurulub.
Trend-in məlumatına görə, 26-cı turunda “Səbail” “Bayıl Arena”da “Zirə”ni qəbul edib.
Qarşılaşma qonaqların 2:0hesablı qələbəsi ilə yekunlaşıb.
“Zirə”nin heyətində ilk qolu Xulio Sezar Rodrigez 2-ci dəqiqədə vurub. Sadio Tounkara 94-cü dəqiqədə fərqlənməklə oyunda son nöqtəni qoyub.
Bu qələbədən sonra “Zirə” 7-ci yerə yüksəlib, “Səbail” isə 24 xalla üçüncüdür.
Xatırladaq ki, günün digər matçında “Neftçi” “Keşlə”ni 2:0 hesabı ilə məğlub edib.