Bakı. Trend:
Azərbaycanlı futbolçu Zamiq Əliyevin çıxış etdiyi "Eqnatiya" komandası Albaniya Superkuboku tituluna sahib çıxıb.
Trend xəbər verir ki, "Eqnatiya" final qarşılaşmasında "Kukeşi"ni 2:0 hesabı ilə məğlub edib. 2023/2024 mövsümündə həm Albaniya çempionu, həm də ölkə kubokunun qalibi olan "Eqnatiya" bu uğurları Superkubokla tamamlayıb.
Zamiq Əliyevin adı iştirak ərizəsində olsa da, futbolçu final oyununda meydana çıxmaq şansı əldə etməyib. Buna baxmayaraq, Azərbaycanlı futbolçu komandasının böyük uğurunda iştirakçı olaraq tarixi bir zəfərə şahidlik edib.