Bakı. Trend:
Bu gün Bakıda “GSMA M360 EURASIA 2023” beynəlxalq konfransı öz işinə başlayıb.
Trend xəbər verir ki, Azərbaycan Respublikası Rəqəmsal İnkişaf və Nəqliyyat Nazirliyinin dəstəyi və Azercell-in baş sponsorluğu ilə Azərbaycanda təşkil olunmuş “GSMA M360 EURASIA 2023” beynəlxalq konfransı mühüm sahə tendensiyaları ətrafındakı müxtəlif mövzuları, o cümlədən yeni nəsil texnologiyaları, rəqəmsallaşma, süni intellekt və rəqəmsal xidmətləri əhatə edir.
İki gün davam edəcək konfransda iştirak etmək üçün Bakıya gəlmiş telekommunikasiya sahəsində qlobal və regional səviyyələrdə tanınmış ekspertlər strateji əhəmiyyət kəsb edən infrastrukturun mühafizəsi məsələləri üzvə fikir mübadiləsi aparır və mobil telekommunikasiyaların gələcək inklişafına investisiya imkanlarını müzakirə edirlər.
