Bakı. Trend:
Bu ilin yanvar-sentyabr aylarında Azərbaycandan İsrailə fiziki şəxslərin pul köçürmələrinin həcmi 2,576 milyon ABŞ dolları təşkil edib.
Trend-in Azərbaycan Mərkəzi Bankına istinadən məlumatına görə, bu göstərici 2024-cü ilin eyni dövrü ilə müqayisədə 303 min ABŞ dolları və ya 13,3% çoxdur.
Məlumata görə, hesabat dövründə Azərbaycandan xaricə ümumi pul köçürmələrində İsrailin payı 0,7% təşkil edib.
Həmçinin cari ilin ilk 9 ayında İsraildən Azərbaycana fiziki şəxslərin pul köçürmələrinin həcmi 9,071 milyon ABŞ dolları olub ki, bu da 2024-cü ilin eyni dövründəki göstərici ilə müqayisədə 1,8 milyon ABŞ dolları və ya 16,4% azalma deməkdir.
Hesabat dövründə xaricdən Azərbaycana ümumi pul köçürmələrində İsrailin payı 1,1% təşkil edib.
2024-cü ilin ilk 9 ayında Azərbaycandan İsrailə fiziki şəxslərin pul köçürmələrinin həcmi 2,273 milyon ABŞ dolları, əks istiqamətdə isə 10,846 milyon ABŞ dolları təşkil edib.
Ümumilikdə, 2025-ci ilin ilk 9 ayında Azərbaycandan xarici ölkələrə fiziki şəxslərin həyata keçirdikləri pul köçürmələrinin həcmi 361,357 milyon ABŞ dolları təşkil edib. Bu isə 2024-cü ilin eyni dövründəki göstərici ilə müqayisədə 46,925 milyon ABŞ dolları və ya 11,5% azdır.
Eyni zamanda, hesabat dövründə xarici ölkələrdən Azərbaycana fiziki şəxslərin pul köçürmələrinin həcmi 849,910 milyon ABŞ dolları təşkil edib ki, bu da 2024-cü ilin yanvar-sentyabr aylarındakı göstərici ilə müqayisədə 1,404 milyon ABŞ dolları və ya 0,2% çoxdur.