Azərbaycan, Bakı, 10 dekabr/ Trend , müxbir E.İsmayılov/ 2020-ci ilə TRACECA nəqliyyat dəhlizi ilə yük daşınmaları həcminin iki dəfə artacağı gözlənilir, - hökumətlərarası TRACECA komissiyasının 2015-ci ilədək strategiyasında qeyd olunub.
Konteynerləşdirmə səviyyəsi və konteynerlərlə daşınan yüklərin həcminin artması bəzi vacib dəyişikliklərə səbəb olacaq. Bu, şəbəkənin problemli sahələrinin yaranması ilə üzləşməmək üçün dəniz və quru limanlarının konteyner daşınmalarına uyğun təchiz edilməsinin əhəmiyyətini vurğulayır.
Beynəlxalq sərnişin daşınmaları, əsasən, TRACECA və Aİ ölkələri arasında danışmalarda başlıca yer tutan hava və yerüstü nəqliyyat növləri ilə həyata keçiriləcək.
Dəniz nəqliyyatı Qara dəniz regionunda sərnişin daşınmalarında müəyyən rol oynayır. Avtomobil nəqliyyatı əsas yaşayış məntəqələrinin bir-birinə yaxın yerləşdiyi qonşu ölkələr arasında daşınmalarda vacib rol oynayır. Gələcəkdə əhalinin gəlirləri artdıqca xüsusi səfərlərin sayının xeyli çoxalacağı gözlənilir.
Müəlliflə əlaqə saxlamaq üçün elektron ünvan: [email protected]
