Azərbaycan, Bakı, 02 mart / Trend , müxbir N.İsmayılova/
Fevralın 1-də Azərbaycan iqtisadiyyatının kreditləşdirilməsi üzrə orta dərəcə milli valyuta ilə 13,97 faiz təşkil edib. Bu göstərici yanvarın 1-də 15,92 faiz, 2009-cu il fevralın 1-də isə 18,75 faiz təşkil edib. Bu barədə Azərbaycan Mərkəzi Bankının (AMB) məlumatında deyilir.
SDV-də bank kreditləri üzrə orta dərəcə noyabrın 1-nə olan 17,19 və müvafiq olaraq 16,93 faizə nisbətdə 15,5 faiz təşkil edib.
Fevralın əvvəlində hüquqi şəxslərin bank kreditləşməsi üzrə orta dərəcə milli valyuta ilə 11,51 faiz təşkil edib. Yanvarın 1-də bu göstərici 14,14 faiz, 2009-cu il fevralın 1-də isə 16,44 faiz təşkil edib. SDV-də korporativ müştərilərin bank kreditləşməsi üzrə orta dərəcə 12,57 faiz təşkil edib. Yanvarın 1-də bu göstərici 14,65 faiz, 2009-cu il fevralın 1-də isə 15,53 faiz təşkil edib.
Hesabat dövrü ərzində fiziki şəxslərin bank kreditləşməsi üzrə orta dərəcə milli valyuta ilə 20,39 faiz təşkil edib. Yanvarın 1-də bu göstərici 20,54 faiz, 2009-cu il fevralın 1-də isə 22,03 faiz təşkil edib. SDV-də fərdi müştərilərin bank kreditləşməsi üzrə orta dərəcə 22,56 faiz təşkil edib. Yanvarın 1-də bu göstərici 23,27 faiz, 2009-cu il fevralın 1-də isə 21,69 faiz təşkil edib.