Azərbaycan, Bakı, 31 mart /Trend, müxbir N.İsmayılova/
2010-cu il ərzində Azərbaycan iqtisadiyyatına cəlb edilən xarici kapitalın ümumi həcmi 8,3 milyard dollar təşkil edərək inişillə müqayisədə 1,5 dəfə artıb. Bu barədə cümə axşamı Azərbaycan Mərkəzi Bankının saytında dərc edilən ödəniş balansında deyilir.
Ölkə iqtisadiyyatına birbaşa investisiyaların ümumi həcmi 3347,3 milyon dollar təşkil edib. Orada neft-qaz sektorunun xüsusi çəkisi 76,9 faiz səviyyəsindədir. Bu investisiyalar Azərbaycan ərazisində BP Exploration ("Şahdəniz") və ABƏŞ ("Azəri-Çıraq-Günəşli") tərəfindən neft-qaz layihələri çərçivəsində istifadə edilib.
Mərkəzi Bankın qiymətləndirmələrinə görə, qeyri-neft sektoruna cəlb edilən birbaşa investisiyaların həcmi 773,9 milyon manat və ya ölkəyə cəlb edilən birbaşa investisiyaların ümumi həcminin 23,1 faizini təşkil edib.
