Bakı. Ənvər Məmmədov - Trend:
Azərbaycanda bu il iyunun 16-dan tətbiq edilən “Tax Free” sistemindən istifadə edən 45 ölkənin vətəndaşına 104 min manatdan artıq ƏDV qaytarılıb.
Trend-in məlumatına görə, bunu vergilər nazirinin müavini İlkin Vəliyev bu gün keçirilən mətbuat konfransında deyib.
Nazir müavini bildirib ki, bu onu göstərir ki, bu sistem böyük tələbatla istifadə olunur: “Hazırda bu sistem yalnız Heydər Əliyev adına Beynəlxalq Hava Limanında tətbiq olunur. Lakin yaxın vaxtlarda bu sistem ölkənin bütün nəzarət-buraxılış məntəqələrində tətbiq ediləcək”.