Ernst & Young beynəlxalq auditor şirkəti Azərbaycan Dövlət Neft Fondunun (ARDNF) 2005-ci il hesabatının, onun maliyyə göstəricilərinin və nəqd vəsaitlər axınının beynəlxalq mühasibat uçotu standartlarına uyğun olduğunu təsdiqləyib.
Fondun təmiz aktivləri dekabrın 31-nə olan vəziyyətə görə 6423,072 mlrd. manat təşkil edib. ARDNF-nun əməliyyat gəlirləri 139,576 mlrd. manat, əməliyyat xərcləri isə - 448,353 mlrd. manata bərabər olub. Məzənnə fərqilə bağlı itki 443,492 mlrd. manat təşkil edib.
Ötən il fonda 3154,055 mlrd. manat daxil olub. Dövlət büdcəsinə köçürəmələr 750 mlrd. manat həcmində olub ki, bunun 205 mlrd. manatı - Azərbaycanın BTC-də iştirak payının ödənilməsi, 201,948 mlrd. manatı - qaçqın və məcburi köçkünlərin vəziyyətinin yaxşılaşdırılmasına ayrılıb. Fondun vəsaitlərinin idarə edilməsindən gələn gəlirlər 178,801mlrd. manata bərabər olub.
Dekabrın 31-nə olan vəziyyətə görə, AAA kredit reytinqinə malik 6 pul fonduna 1361,840 mlrd. manat yatırılıb. Barclays Global Investors Funds plc-də investisiyalar - 527,210 mlrd manat, HSBC Global Liquidity Funds Plc - 367,193 mlrd manat, JPMorgan Fleming Liquidity Funds- 287,165 mlrd. manat, Royal Bank of Scotland, Global Treasury Funds plc- 144,435 mlrd. manat, DWS Portfolio USD Liquidity Fund- 23,728 mlrd. manat və Deutsche Global Liquidity Managed Fund - 12,109 mlrd. manat təşkil edib.
Bundan əlavə, ARDNF-in müxtəlif Avropa banklarında 9 bank depoziti olub. Onların müddəti 2006-cı ilin yanvarından başa çatıb. 5 depozit üzrə sabit faiz dərəcəsi dollarla 4,15% - 4,34%, 2 depozit üzrə avro ilə - 2,35% və 2 depozit üzrə funt\sterlinqlə - 4,5%-4,55% arasında olub. Depozitlər Standard & Poors və Fitch-dən A-AA kredit reytinşinə malik banklara qoyulmuşdur.
