Azərbaycan, Bakı/ Trend / Dövlət Statisitika Komitəsinin məlumatına görə, yanvar-aprel aylarında Azərbaycanın nəqliyyat sektorunda 49,4 mln. ton müxtəlif yük daşınıb ki, bu da 2006-cı ilin müvafiq dövrü ilə müqayisədə 16,2 faiz çoxdur.
Daşınmış yüklərin ümumi həcminin 64.6 faizi özəl sektorun payına düşür. Yanvar-aprel aylarında yüklərin 46,6 faizi avtomobil nəqliyyatı, 27,9 faizi boru kəmərləri (həmçinin Bakı-Tiflis-Ceyhan kəməri ilə 16.3 faiz), 19,1 faiz dəmir yolu və 6,4 faiz dəniz nəqliyyatı ilə daşınıb.
Sərnişin nəqliyyatında yanvar-aprel aylarında 358,2 mln. nəfər daşınıb. Bu göstərici də ötən ilin müvafiq dövründə olan göstəricidən 6,9 faiz çoxdur. Sərnişindaşımada 83,1 faiz özəl sektorun payı olub. 83,2 faiz sərnişin avtomobil nəqliyyatı, 16,1 faiz isə metropolitenlə daşınıb.
2006-cı ilin müvafiq dövrü ilə müqayisədə dəmir yolu ilə 4,1 faiz çox olmaqla 9,4 mln. ton yük daşınıb. Dəniz nəqliyyatı ilə 3,2 mln. ton müxtəlif yük daşınıb. Bu 2006-cı ildə olan göstəricidən 31,3 faiz azdır. Yükdaşımanın azalması tranzit yük nəqlinin azalması ilə izah olunur. Daşınmış ümüm yükün 53,9 faizi neft və neft məhsulları, 46,1 faiz isə quru yüklərin payına düşür. Daşınmış yüklərin bütün həcmi beynəlxalq əməliyyatların payına düşür.
Azərbaycan limanlarınada yanvar-aprel ayları ərzində emal olunmuş yüklərin həcmi 1,6 mln. ton təşkil edib ki, bu da 2006-cı ilin yanvar-aprel ayları ilə müqayisdə 33,1 faiz azdır.
Avtomobil nəqliyyatı ilə 23 mln. ton yük daşınıb. Bu, 2006-cı ilin müvafiq dövrü ilə müqayisədə 8,2 faiz çoxdur. Sərnişindaşımanın həcmi 297,9 mln. nəfər olub (6,3 faiz artıb). Sərnişinlərin 96,8 faizi avtobus, 3,2 faizi isə minik avtomobillərilə daşınıb.
Metropolitendə sərnişindaşıma 9,7 faiz artaraq 57,8 mln. nəfər təşkil edib. Hava nəqliyytatı ilə sərnişindaşıma 17,4 faiz artaraq 410,2 min nəfər təşkil edib ki, bunun da 5,2 faizi qeyri-dövlət sektorunun payına düşüb.
Avropa-Asiya nəqliyyat dəhlizi ilə Azərbaycan ərazisindən 11,7 mln. ton yük daşınıb ki, bu da 2006-cı ilin birinci rünbü ilə eynidir.
