Azərbaycan, Bakı /müx. Trend Ü.İsmayılova/ Azərbaycanın Maliyyə Nazirliyi və Türkmənistanın rəsmi şəxsləri Bakıda qarşılıqlı maraq kəsb edən məsələlərlə bağlı danışıqlara başlayıblar. Bu barədə cümə axşamı nazirliyin yaydığı məlumatda bildirilir.
Türkmənistanın nümayəndə heyətinə bu ölkənin maliyyə və iqtisadiyyat nazirinin birinci müavini T.Çaparov rəhbərlik edir. Heyətə Türkmənistan Mərkəzi Bankının və "Turkmənqaz" dövlət konserninin təmsilçiləri daxildir.
Sənəddə qeyd olunur ki, ikigünlük danışıqlar zamanı tərəflər Azərbaycan və Türkmənistanın təsərrüfat subyektləri arasında 1992-1993-cü illərdə imzalanan sazişlərin və 1993-94-cü illərdə qaz idxalı ilə bağlı imzalanan müqavilənin perspektivlərini müzakirə edəcəklər.