Cümə axşamı Azərbaycan Dövlət Neft Şirkətinin (ARDNŞ) yüksək vəzifəli nümayəndəsi bildirib ki, Qazaxıstan Prezidenti Nursultan Nazarbayevin Azərbaycana səfəri çərçivəsində Transxəzər layihəsi (Qazaxıstan neftinin Azərbaycan vasitəsilə daşınması üzrə layihə) üzrə iki razılaşmanın imzalanması gözlənilir.
ARDNŞ nümayəndəsi bildirib ki, ilk sənəd Qazaxıstan neftinin daşınması üçün Azərbaycan infrastrukturlarından istifadə haqqında; ikinci sənəd isə Transxəzər layihəsinin texniki-iqtisadi əsaslandırmanın (TİƏ) hazırlanması üzrə memarandum haqqında razılaşmadır.
Onun sözlərinə görə, TİƏ-ya hazırlıq Azərbaycan və Qazaxıstan tərəfindən maliyyələşdiriləcək. Bu sənəd tərəflərə layihənin reallaşdırılması variantlarını təqdim edən böyük beynəlxalq şirkətlər tərəfindən araşdırmalardan sonra hazırlanacaq.
ARDNŞ nümayəndəsi deyib ki, hazırki mərhələdə qaz xəttinin tikilməsindən söhbət getmir. Hələlik tankerlərlə daşınma barəsində danışıqlar aparılır.
Azərbaycan şəxsi donanmaya malikdir. Həmçinin şəxsi gəmiqayırma zavodunun tikilməsi barədə də qərar qəbul olunub və buna görə də Azərbaycan hazırda malik olduğu və malik olacağı donanmadan istifadə etməkdə maraqlıdır.
İnfrastrukturdan istifadə məsələsi isə bu sistem çərçivəsində daşınacaq həcmdən asılıdır.
ARDNŞ nümayəndəsi bildirib ki, Qazaxıstan tərəfi Azərbaycana müəyyən olunmuş neft həcmini təqdim edəcəyinə dair zəmanət verməlidir və Azərbaycan bu zəmanəti almağa hazırlaşır.
