Azərbaycan, Bakı, 5 fevral /Trend/
"Neft Daşları" yatağında yeni quyu qazılır.
Trend ARDNŞ-nin rəsmi saytına istinadən məlumat verir ki, Kompleks Qazma İşləri Tresti tərəfindən "Neft Daşları" yatağındakı 2585 nömrəli platformadan 2599 nömrəli quyunun qazma işlərinə başlanılıb.
"Neft Daşları" NQÇİ-nin sifarişi ilə Qirməki Üstü Qumlu Lay Dəstəsinə qazılan quyunun layihə dərinliyi 2450 metrdir.
Geoloqların hesablamalarına əsasən, quyudan sutkada 30 ton neft hasil olunacağı nəzərdə tutulur.