Bakı. Trend:
Heydər Əliyev adına Bakı Neft Emalı Zavodunda (NEZ) çirkab suların təmizlənməsi qurğusunun 2022-ci ilin ikinci yarısında istismara verilməsi planlaşdırılır.
Trend-in məlumatına görə, bunu SOCAR-ın "Downstream Management" şirkətinin Baş direktorunun müavini, layihənin direktoru Emil Alxaslı deyib.
O bildirib ki, artıq Xəzərin Bakı akvatoriyasına müvafiq boru xətləri çəkilib.
"Bu xətlərin ümumi uzunluğu 10 kilometr təşkil edir", - E.Alxaslı deyib.
O, həmçinin bildirib ki, qurğu suyu 80-100 faiz təmizləmək gücündədir.
"Qurğunun işə salınması üçün sınaq və hazırlıq işləri görülür. Avadanlığın gücü 750 kubmetr/saata bərabərdir", - deyə o bildirib.
(Tərcümə: Orxan Nəbiyev)