"Cənub-Şərqi Qobustan" müqavilə sahəsini tədqiq edən Gobustan Operating Company (GOC) "Duvannı" yatağında yerləşən dördüncü quyudan qaz tədarükü üçün boru kəmərinin tikintisini başa çatdırıb.
Layihənin iştirakçısı olan ARDNŞ-dən Trend ə verilən xəbərə görə, GOC avqust ayında quyuda quraşdırmaq üçün xüsusi avadanlıq alacaq. Quyunun ağzında yüksək təzyiq aşkar edilib, bu isə ilk üç quyudakı avadanlığın burada yerləşdirilməsinə imkan vermir.
ARDNŞ nümayəndəsinin sözlərinə görə, paralel olaraq 5-ci quyudan boru kəməri tikilir. "Ehtimal olunur ki, bu quyu 2006-cı ildə istismara veriləcək", - deyə ARDNŞ -də bildiriblər.
Hazırda Dövlət Neft Şirkətinə sərbəst qaz tədarükünün orta sutkalıq həcmi 40 min kub metr təşkil edir. 4 və 5 -ci quyuların sistemə qoşulmasından sonra qaz tədarükünün həcmi xeyli artacaq. "Ehtimal olunur ki, sutkada 400 min kub metr yanacaq tədarük olunacaq", - deyə ARDNŞ-də qeyd ediblər.
Qazın qiyməti $1.29/1 milyon BTU təşkil edir ($1.29/1 mln. BTU - təxminən $46/1 min m3).
