Azərbaycan, Bakı, 28 avqust /Trend, müxbir Hüseyn Vəliyev/
Rabitə və Yüksək Texnologiyalar Nazirliyinin Dövlət Radiotezliklər İdarəsi (DRİ) AOR AR-6000 tipli radioqəbuledicilər bazasında interaktiv radionəzarət sisteminin işlənməsi üzrə kotirovka sorğusu elan edir. Trend xəbər verir ki, bu barədə DRİ-nin tender komissiyasının cümə axşamı rəsmi mətbuatda dərc edilmiş məlumatında deyilir.
Kotirovka sorğusunda iştirak üçün təklif 2 sentyabr 2014-cü il, saat 11:00-dək qəbul ediləcək. Təkliflərə baxılma prosesi həmin gün saat 15:00-dək davam edəcək.
Əlavə məlumatı (+994 12) 493-13-53 nömrəli telefonla əldə etmək olar.
6000 MHs-ə qədər tezlik zolağında işləyən AOR AR-6000 radioqəbuledicisi genişzolaqlı qəbulun ən yeni texnologiyaları və siqnalın rəqəmli emalı metodları əsasında hazırlanıb. Qəbuledici işçi diapazonunun bütün tezliklərində işləyir və siqnalların analizi və onların gücünün ölçülməsi kimi sahələrdə tətbiq edilir. Ənənəvi istifadə sahələrinə zona radionəzarəti, radiomaneələrin aşkar edilməsi və onların analizi, elektromaqnit sahənin gərginliyinin ölçülməsi, tezliklərin analizi, radiodalğaların yayılmasının tədqiqatı, qanunsuz quraşdırılmış gizlicə dinləmə qurğularının axtarışı aiddir.