Bakı. Trend:
Azərbaycan azad edilmiş ərazilərdə "ağıllı şəhərlər" konsepsiyasının yaradılması zamanı Sinqapur, BƏƏ, Almaniya kimi ölkələrin təcrübələrini öyrənib.
Trend-in məlumatına görə, bunu bu gün jurnalistlərə rəqəmsal inkişaf və nəqliyyat naziri Rəşad Nəbiyev deyib.
Onun sözlərinə görə, "ağıllı şəhərlər" konsepsiyası yerli tələb və şərtlərə uyğun hazırlanır.
"Biz hesab edirik ki, eyni konsepsiyanı fərqli zonalarda yerləşən şəhərlərə tətbiq etmək olmaz. Bundan başqa, dövlət vəsait qoyuluşlarının dayanıqlılığı və məqsədəuyğunluğu məsələsi öyrənilir. Həmçinin, bu konsepsiyaların hazırlanması zamanı biz bu və ya digər şəhər və kənddə "ağıllı" həllərin tətbiqinin rayonun inkişafı üçün necə stimul yaradacağını təhlil edirik", - nazir deyib.