İranın Ali Milli Təhlükəsizlik Şurasının (AMTŞ) rəhbəri Səid Cəlili bu gün axşam Suriyaya səfər edəcək. Məlumatı İran televiziyasının rəsmi xəbər saytı IRIBNEWS yayıb.
Cəlili səfər zamanı Suriya Prezidenti Bəşşar əl-Əsəd və xarici işlər naziri Vəlid əl-Müəllimlə görüşəcək. Görüşdə ikitərəfli əlaqələr, regionda son dəyişikliklər və beynəlxalq məsələlər müzakirə olunacaq.