...

İran və BAEA-nın danışıqlar aparmasına hətta minimum şans belə yoxdur

Dünya xəbərləri Materials 22 Fevral 2012 17:54 (UTC +04:00)

Azərbaycan, Bakı, 22 fevral / Trend müxbirlər E.Tariverdiyeva, T.Cəfərov /

İran və BAEA-nın danışıqlar aparmasına hətta minimum şans belə yoxdur. Trend-in məlumatına görə, Qlazko Universitetinin professoru, nüvə məsələləri üzrə ekspert Rza Təqizadə BAEA-nın nümayəndə heyətinin səfərini şərh edərkən bildirib.

İranın nüvə böhranın zəifləyəcəyinə dair ümidlər Beynəlxalq Atom Enerjisi Agentliyinin (BAEA) direktoru Yukiya Amadunun çərşənbə günü Tehranda İranın ünvə proqramı ilə bağlı danışqılar üzrə nümayəndələrinin əldə etdiyi nəticələrlə bağlı narazılığını ifadə edərkən itirilib. Çərşənbə günü yayılan bəyanatda göstərilir ki, agentliyin rəhbəri İran tərəfinin müşahidəçilərin Tehran yaxınlığında yerləşən Parçin hərbi obyektinə buraxılmasına icazə verməməsindən narazıdır.

Parçin Tehrandan 30 kilometr cənub-şərqdə yerləşən hərbi kompleksdir. Parçindən şimal-qərbdə maye raket mühərrikləri üçün poliqon yerləşir.

"İranın və BAEA-nın fikirləri tamamilə bir-birinə ziddir. Mən BAEA-nın komitə direktorlarının İrana səfərdən sonra sərt hesabat verəcəklərini gözləyirəm", -Təqizadə Trend-ə bildirib.

Təqizadə onu da qeyd edib ki, o, BMT Təhlükəsizlik Şurasının İranın nüvə proqramı üzrə növbəti qətnaməsini gözləyir.

Onun sözlərinə görə, İrana səfərlə bağlı hesabatı BAEA çox güman ki, martın əvvəllərində dərc edəcək. O əlavə edib ki, BAEA nümayəndələrinin İrana səfərləri əhəmiyyətli nəticələr verməyib.

Təqizadə BAEA müfəttişlərinin Parçindəki hərbi bazaya buraxılmamasının səbəbləri barədə danışarkən qeyd edib ki, bu, təhlükəsizlik qaydalarına görə edilib.

"İran iqtisadi təzyiqlər və hərbi təhdidlər səbəbindən özünün nüvə proqramına aid ən ciddi təhlükəsizlik tədbirlərini yerinə yetirir", - ekspert deyib.

Onun sözlərinə görə, İran ölkənin nüvə obyektləri haqqında məlumatların BAEA-ya xarici mənbələrdən təqdim ediləcəyindən şübhələnir.

"İran BAEA-ya etibar etmir və ölkə hakimiyyəti öz nüvə alimlərinə İranın nüvə alimlərinin son qətlləri ilə əlaqədar müfəttişlərlə görüşmələrini qadağan edib", - Təqizadə deyib.

Xəbər lenti

Xəbər lenti