Bakı. Trend:
Nigeriyanın Oqun ştatında iki minik avtomobili toqquşub.
Trend-in məlumatına görə, bunu ölkənin Yol Hərəkəti Təhlükəsizliyi üzrə Federal Xidmətin nümayəndəsi bildirib.
Onun sözlərinə görə, Laqos və İbadan şəhərlərini birləşdirən avtomobil yolunda baş verən qəza nəticəsində 6 nəfər həlak olub, 12 nəfər isə xəsarət alıb.
İlkin məlumata əsasən, qəzaya səbəb sürət rejiminə əməl edilməməsi olub.
Digər təfərrüatlar barədə məlumat verilmir.