Bakı. Trend:
Böyük Britaniyada İranla müharibənin ilk təsirləri özünü göstərməyə başlayıb. Ölkədə işsizlik səviyyəsi gözlənilmədən artıb və boş iş yerlərinin sayı son beş ildə ən aşağı səviyyəyə düşüb.
Trend xəbər verir ki, analitiklər işsizliyin 4,9 faiz artmasının Yaxın Şərqdəki müharibənin əmək bazarına ilk təsirlərini əks etdirdiyini bildiriblər. Onlar münaqişə davam etdikcə, əmək tələbatının da azalacağı barədə xəbərdarlıq ediblər.
BBC-nin məlumatına görə, artan işsizlik əməkhaqqı artımının yavaşlaması ilə birlikdə İngiltərə Bankına inflyasiyanı cilovlamaq üçün faiz dərəcələrini artırıb-artırmamaq barədə qərar vermək üzrə daha çox vaxt verəcək.
“Qonaqlama və pərakəndə satış kimi aşağı maaşlı sektorlarda həm son aylarda, həm də son bir ildə iş yerlərinin boşalması və işçi sayında ən böyük azalmalar müşahidə olunub”, - deyə Milli Statistika İdarəsinin (ONS) iqtisadi statistika üzrə direktoru Liz MakKeon bildirib. Bu qurumun məlumatına görə, aprel ayında ödənişli məşğulluqda olan insanların sayı təqribən 100 min nəfər azalıb.
İngiltərə və Uelsin diplomlu mühasiblər təşkilatı olan ICAEW məşğulluq məlumatlarının Böyük Britaniyanın əmək bazarında artan böhranı göstərdiyini bildirir.
