Bakı. Trend:
Nigeriya prezidenti Bola Tinubu ölkənin adının Nigeriya Birləşmiş Ştatları olaraq dəyişdirilməsi və şimalda müsəlman qanunlarının ləğv edilməsi planlarını təkzib edib.
Trend-in məlumatına görə, bu barədə Nigeriya prezident administrasiyasının açıqlamasında bildirilib.
"Prezident Administrasiyası nigeriyalıları Prezident Bola Tinubunun Nigeriyanın adının Nigeriya Birləşmiş Ştatları olaraq dəyişdirilməsi və ölkənin şimal bölgələrində müsəlman qanunlarının ləğvi üçün konstitusiya dəyişiklikləri tələb etməsi barədə yayılan yalan məlumatların həqiqətə uyğun olmadığını bildirir", - deyə qeyd olunub.
