Yuliya Timoşenkonun bloku, "Bizim Ukrayna" və Sosialist Partyiasının koalisiyasına 239 millət vəkili daxil olub. Bu barədə Ali Radanın iclasında sədrlik edən Adam Martınyuk xəbər verib. O, koalisiya iştirakçılarını adbaad elan edib.
Trend agentliyinin "RBK"ya istinadən yaydığı məlumata əsasən, koalisiyadan 3 nəfər, o cümlədən, "Bizim Ukrayna"nın üzvləri Ruslana Lıjeçko və Gennadi Udovenko müxtəlif səbəblər üzündən koalisiya sazişinə hələ imza atmayıb. "Bizim Ukrayna"nın üzvləri Ruslana Lıjeçko və Gennadi Udovenko da ezamiyyətdədir.
Parlamentin işində iyunun 27-dək fasilə elan olunub. Məhz həmin gün Ali Radanın rəhbərliyini seçmək planlaşdırılır.