Bakı. Trend:
Bakı-2017 IV İslam Həmrəyliyi Oyunlarında boksçumuz finala yüksəlib.
Trend-in məlumatına görə, 75 kq çəki dərəcəsində mübarizə aparan idmançımız Kamran Şahsuvarlı yarımfinalda mərakeşli rəqibi Yuness Qarrumidən üstün olub - 5:0.
Sabah keçiriləcək final qarşılaşmasında K.Şahsuvarlının rəqibi qazaxıstanlı Tursınbay Kulahmet olacaq.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.