Azərbaycan, Bakı, 23 oktyabr /Trend, müxbir Aygün Bədəlova/
Avropa Komissiyası yaxın aylarda Avropa İttifaqı (Aİ), Azərbaycan və Türkmənistan arasında üçtərəfli görüş keçirməyi planlaşdırır. Bunu cümə axşamı Trend-ə Avropa Komissiyasındakı mənbə bildirib.
Mənbənin sözlərinə görə, Avropa Komissiyası müvafiq həmkarları ilə yaxın aylarda üçtərəfli formatda görüş təşkil etmək imkanını nəzərdən keçirir: "Görüşün dəqiq tarixi hələ müəyyənləşdirilməyib".
Qeyd edək ki, Trans-Xəzər qaz kəməri üzrə Aİ, Azərbaycan və Türkmənistan arasında danışıqlar 2011-ci ilin sentyabrında başlayıb.