İlham Əliyev Niderland Krallığı Senatının nümayəndə heyətini qəbul edib

Azərbaycan, Bakı, 23 aprel /Trend/

Azərbaycan Respublikasının Prezidenti İlham Əliyev aprelin 23-də Niderland Krallığı Senatının üzvü Rene Van der Lindenin başçılıq etdiyi nümayəndə heyətini qəbul etmişdir.

Trend-in məlumatına görə, görüşdə Azərbaycan Respublikası ilə Niderland Krallığı arasında siyasi, iqtisadi və digər sahələrdə əlaqələrin uğurlu inkişafı məmnunluqla qeyd olundu, Niderland Krallığı Senatının üzvü Rene Van der Lindenin başçılıq etdiyi nümayəndə heyətinin ölkəmizə səfərinin əməkdaşlığımızın daha da genişləndirilməsi işinə töhfə verəcəyinə əminlik ifadə edildi.