Bakı. Trend:
Anar Rzayevə “TÜRKSOY-un Şərəf ordeni” təqdim edilib.
Trend-in məlumatına görə, TÜRKSOY Yazıçılar Birliyinin 1-ci Toplantısında çağdaş Azərbaycan ədəbiyyatının öncüllərindən olan yazıçı Anar Rzayevin anadan olmasının 85 illiyinə həsr olunmuş təntənəli mərasim keçirilib.
TÜRKSOY Yazıçılar Birliyinin yaradılmasına öncülük edən Anar Rzayevə Türk Dünyası ədəbiyyatına verdiyi töhfələrə görə TÜRKSOY-un baş katibi Sultan Raev tərəfindən “TÜRKSOY-un Şərəf ordeni” təqdim edilib.