Bakı Şəhər Baş Dövlət Yol Polisi İdarəsinin məlumatı əlavə olunub. İlk xəbər 09:18-də yayılıb.
Azərbaycan, Bakı, 9 mart / Trend müxbir K.Zərbalıyeva/
Bakıda avtobus yol qəzası törədib, ölən və xəsarət alanlar var.
Respublika Baş Dövlət Yol Polisi İdarəsindən Trend-ə verilən məlumata görə, Xəzər rayonunda, Z.Tağıyev küçəsində sərnişin avtobusu ilə "QAZ 53" markalı avtomobil toqquşub.
Qəza zamanı 1 nəfər ölüb, 2 nəfər xəsarət alıb.
Bakı Şəhər Baş Dövlət Yol Polisi İdarəsindən Trend-ə verilən məlumata görə, martın 8-i saat 12:00 radələrində Mərdəkan qəsəbəsində Əzim Babayevin idarə etdiyi "Daewoo" markalı 141 saylı xətt avtobusu ilə Rafiq Sultanəhmədovun idarə etdiyi "QAZ-53" markalı yük avtomobili toqquşub.
Nəticədə Sultanəhmədov hadisə yerində ölüb, sərnişi Teymur Zaliyev və avtobusun sərnişi Faiq Cəbrayılov xəsarət alıb, onlar xəstəxanaya yerləşdiriliblər.