Bakı.Trend:
Noyabrın 30-da saat 09:20 radələrində ADY-yə məxsus yol təmiri
maşını (drezin) Abşeron-Puta mənzilində hərəkətdə olarkən təxminən
25 yaşlarında qadın dəmir yolu xəttini müəyyən olunmamış yerdən
qəfil keçməyə cəhd edib.
ADY-dən Trend-ə verilən xəbərə görə, maşinist təcili tormozlama aparsa da, toqquşma qaçılmaz olub və həmin şəxs hadisə yerində ölüb.
ADY bir daha piyadaları kritik təhlükəli zona hesab olunan dəmir yolu xətlərini yalnız müəyyən olunmuş yerlər və keçidlərdən istifadə etməklə keçməyə çağırır. Qaydalara riayət etmək hər bir vətəndaşın borcudur.