Azərbaycan, Bakı/ Trend , müxbir K.Ramazanova/ ATƏT-in Cənubi Qafqaz ölkələrindəki ofislərinin rəhbərləri Bakıda illik toplantılarını keçirirlər. İki günlük görüş bağlı qapılar arxasında keçirilir. Bu barədə ATƏT-in Azərbaycandakı nümayəndəliyindən məlumat verilib.
Tədbirdə ATƏT-in Gürcüstan və Ermənistandakı ofislərinin nümayəndələri və bu beynəlxalq təşkilatın nümayəndələri iştirak edirlər. Görüşdə iştirak etmək üçün ATƏT-in Baş katibi Mark Perren de Brişanbo Bakıya gəlib.
ATƏT Baş katibi Azərbaycanın rəsmi şəxsləri və vətəndaş cəmiyyətinin nümayəndələri ilə görüşlər keçirməyi planlaşdırır. Onun səfəri oktyabrın 19-da başa çatacaq.