Azərbaycan prezidenti İlham Əliyev iyunun 19-da Prezident Sarayında İordaniya Haşimilər Krallığının xarici işlər naziri Əbdül Əl-Xətibi qəbul edib. Trend in məlumatına görə, görüşdə İslam Konfransı təşkilatının üzvü olan ölkələrin Xarici İşlər Nazirləri Şurasının 33-cü sessiyasının Azərbaycanda keçirilməsi barədə müzakirələr aparılıb.
33-cü sessiyanın Azərbaycanda keçirilməsinin əhəmiyyəti barədə danışılıb, eyni zamanda bu mötəbər tədbirin Azərbaycan haqqında geniş məlumatın əldə olunması üçün yaxşı imkan yaratdığı vurğulanıb. Söhbət zamanı Azərbaycan-İordaniya ikitərəfli münasibətlərinin inkişafı barədə fikir mübadiləsi aparılıb.