Bakı. Trend:
Fəal siyasi dialoq imkan verir ki, bütün istiqamətlər üzrə əlaqələrimiz genişlənsin, dərinləşsin və yeni nəticələr əldə edilsin.
Trend xəbər verir ki, bu barədə mayın 8-də Azərbaycan Respublikasının Prezidenti İlham Əliyev və Bolqarıstan Prezidenti Rumen Radev mətbuata bəyanatlarla çıxış edərkən dövlət başçımız deyib.
"Təbii ki, bu gün Bolqarıstan-Azərbaycan əlaqələri geniş müzakirə edilmişdir və gələcək addımlar haqqında fikir mübadiləsi aparılmışdır. Sonvaxtlar ticarət dövriyyəsi bir neçə dəfə artmışdır. Bunun əsas səbəbi təbii ki, enerji sektorundakı əməkdaşlıqdır", - Prezident İlham Əliyev qeyd edib.