Bərdə, Ağdam, Ağcabədi və Tərtər rayonlarında çörəyin qiyməti 25% bahalaşıb. Trend in bölgə müxbirinin verdiyi məlumata görə əvvəllər 350 qramlıq çörək 15 qəpikdən 20 qəpiyə, 500 qr. çörək isə 20 qəpikdən 25 qəpiyə gədər bahalaşıb.
Rayon sakinləri çörəyin bu gədər bahalaşmasını normal hal hesab etmir. Onlar bildirir ki, 50 kq un kisəsindən normal çəki ilə (500 qr) 130-a yaxın çörək hasil olunur. Ancaq çörək bişirən zavod və müəssisələr çörəyin çəkisini azaldır. Bərdədə fəaliyyət göstərən özəl çörək sexlərinin sahibləri sakinlərin ittihamının doğru olmadığını və çörəyin qiymətinin qalxmasını isə elektrik və yanacağın qiymətinin bahalaşması ilə əlaqələndiriblər.
