Azərbaycan, Bakı, 25 aprel/ Trend müxbir S.Ağayeva/ Latviyanın təhsil və elm naziri Tatyana Koke mayın 14-17-də Azərbaycana səfər edəcək. Latviyalı nazir YUNESKO-nun "Avropada subregional əsasda savadlılıq problemlərinin həll edilməsi: tərəfdaş münasibətlərinin qurulması və innovasiya yanaşmaların tətbiqinə yardım" mövzusunda qlobal savadlılığa dəstək beynəlxalq konfransında iştirak edəcək. Bu barədə cümə günü Latviyanın Azərbaycandakı səfirliyindən məlumat veriblər.
Savadlılığın yayılması üzrə konfrans Avropa üçün səciyyəvi savadlılıq və yaşlıların təhsili məsələlərini nəzərdən keçirəcək və ölkələrin diqqətinin bu problemə yönəldilməsinə istiqamətlənib. Konfrans iştirakçıları savadlılıq səviyyəsini artırılması üçün nəzərdə tutulan innovasiya proqramlarını nəzərdən keçirəcəklər. Bu proqramlar başqa şəraitlərdə uyğunlaşma və tətbiq edilmək üçün model kimi çıxış edə bilərlər.
Latviyanın təhsil və elm naziri konfransda iştirakı çərçivəsində Azərbaycanın təhsil naziri ilə danışıqlar aparacaq, əməkdaşlıq məsələlərini müzakirə edəcək.
Müəlliflə əlaqə saxlamaq üçün elektron ünvan: [email protected]
