Azərbaycan, Bakı, 24 aprel /Trend, müxbir İ.İsabalayeva/
Azərbaycan Milli Elmlər Akademiyasının (AMEA) illik ümumi yığıncağında AMEA-nın prezidenti vəzifəsinə seçki namizəd vəzifəsinə bu qurumun vəzifəsini icra edən Akif Əlizadənin namizədliyi irəli sürülüb. Trend-in məlumatna görə, iclasda çıxış edən akademik Adilə Namazova deyib ki, Akif Əlizadə AMEA-nın prezidenti vəzifəsi üçün layiqli namizəddir.
İclasda prezident vəzifəsinə namizəd kimi akademik Akif Əlizadənin adının gizli səsvermə bülllüteninə daxil edilməsi barədə qərar qəbul olundu.
Qeyd edək ki, AMEA prezidenti Akademiyanın həqiqi üzvləri tərəfindən seçiləcək.
Hazırda AMEA-nın illik ümumi yığıncağında fasilə elan olunub. Fasilədə AMEA-nın həqiqi üzvləri səsverməyə gedəcəklər.