...

Əgər milli mənəvi-dəyərlərimizə ziddirsə, belə ədəbiyyatların idxalına icazə verilmir - Komitə rəsmisi

Cəmiyyət Materials 20 İyun 2019 11:46
Azərbaycana dini ədəbiyyatların idxalı, eləcə də istehsalı prosesi davam edir və bu sayda artım müşahidə edilir.
Əgər milli mənəvi-dəyərlərimizə ziddirsə, belə ədəbiyyatların idxalına icazə verilmir - Komitə rəsmisi

Trend-i buradan izləyin

Bakı. Samir Əli - Trend:

Azərbaycana dini ədəbiyyatların idxalı, eləcə də istehsalı prosesi davam edir və bu sayda artım müşahidə edilir.

Trend-in məlumatına görə, bunu Dini Qurumlarla İş üzrə Dövlət Komitəsinin sədr müavini Səyavuş Heydərov deyib.

Onun sözlərinə görə, həmin ədəbiyyatlar Dini Qurumlarla İş üzrə Dövlət Komitəsinin müvafiq şöbəsinin ekspertizasından keçir: "Əgər bu ədəbiyyatlar bizim milli mənəvi-dəyərlərimizə ziddirsə, hansısa dini ədavəti qızışdıran, ümumiyyətlə tolerantlıq, multikultralizmə qarşı fikirlər varsa, belə ədəbiyyatların idxalına icazə verilmir.

Ölkədə dini ədəbiyyata maraq var. Çalışırıq ki, bu ədəbiyyatlar milli-mənəvi dəyərləri təbliğ edə bilsin və Azərbaycan yazarlarının dini ədəbiyyatları daha çox istehsal olunsun. Çünki xarici ölkələrdən idxal olunan ədəbiyyatların əksəriyyətində Azərbaycanın milli-mənəvi dəyərləri ilə uzlaşmayan məqamlar var. Əvvəllər xaricdən idxal olunan dini ədəbiyyatlarda bu məqamlarla daha çox rastlaşırdıq. Artıq son illər bu, azalıb. İdxal və istehsalla məşğul olan fiziki şəxslər də artıq bu tələbi bilirlər. Ona görə də bizə yad olan dini ədəbiyyatların idxalı və istehsalı azalıb".

Məqalədə:
Xəbər lenti

Xəbər lenti