Bakı. Trend:
17 – 22 may tarixlərində keçirilən Ümumdünya Şəhərsalma Forumunun 13-cü Sessiyası (WUF13) çərçivəsində AZCON Holding-in D15 stendi şəhərlərin gələcəyini formalaşdıran texnologiyalar, “ağıllı” mobillik həlləri və rəqəmsal innovasiyaların təqdim olunduğu platformaya çevrilib.
Forum günlərində təşkil olunan ümumilikdə 16 infosessiyada
600-dən çox iştirakçı şəhərsalma, süni intellekt, rəqəmsal
xidmətlər, nəqliyyat və kosmik texnologiyalarla bağlı təqdimat və
müzakirələrə qoşulub. Stendə ziyarətçi sayı 8,000-i ötüb.
AZCON Holding tərəfindən keçirilən infosessiyalarda “ağıllı”
şəhərlər, dayanıqlı mobillik, rəqəmsal identifikasiya, geoməkan
texnologiyaları və şəhər infrastrukturunun gələcəyi ilə bağlı
innovativ yanaşmalar təqdim olunub. Təqdimatlar iştirakçılar
tərəfindən böyük maraqla qarşılanıb və müxtəlif ölkələrdən olan
nümayəndələrlə faydalı fikir mübadiləsi aparılıb.
Forum çərçivəsində AZCON Holding şirkətlərinin təqdim etdiyi həllər
şəhər həyatında rəqəmsallaşmanın, əlçatanlığın və davamlı inkişafın
rolunu ön plana çıxarıb. Stend boyunca keçirilən görüşlər və
müzakirələr yeni əməkdaşlıq imkanlarının qurulmasına da töhfə
verib.
WUF13 AZCON Holding üçün beynəlxalq iştirakçılarla təcrübə
mübadiləsi aparmaq, innovativ həlləri nümayiş etdirmək və gələcəyin
şəhərlərinə dair baxışı paylaşmaq baxımından mühüm platforma
olub.
