Bakı. Trend:
2026-cı ilin ilk üç ayı ərzində Azərbaycanda nikah və boşanmaların sayı azalıb.
Trend Dövlət Statistika Komitəsinə istinadən xəbər verir ki, Ədliyyə Nazirliyinin rayon (şəhər) qeydiyyat şöbələri tərəfindən cari ilin birinci rübündə 8203 nikaha daxilolma qeydə alınıb.
Bu müddət ərzində 4614 boşanma baş verib.
Bu da 2025-ci ilin müvafiq dövrü ilə müqayisədə azalma deməkdir. Belə ki, bu il ötən illə müqayisədə əhalinin hər 1000 nəfərinə nikahların sayı azalaraq 4,4-dən 3,2-yə enib. Boşanmaların sayı isə əhalinin hər 1000 nəfəri üçün 1,9-dan 1,8-ə düşüb.
