Bakı. Trend:
Bakıda kafedə baş verən kütləvi dava zamanı bir nəfər həyatını itirib.
Trend-in məlumatına görə, hadisə ötən gün General Şıxlinski küçəsi, 145 ünvanında yerləşən “Ab-Hava” kafesində qeydə alınıb.
Belə ki, dava zamanı iştirakçılar bir-birinə bıçaqla hücum ediblər. Nəticədə bir nəfər ölüb.
Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.
DİN-in Mətbuat Xidmətindən bildirilib ki, insidentdə iştirak edən 9 nəfər polis tərəfindən müəyyən olunaraq saxlanılıb. Hazırda əməliyyat-axtarış tədbirləri davam etdirilir.
