Azərbaycanın qiymətli metallar bazarının həftəlik İCMALI

Bakı.Trend:

Bu həftənin yekunlarına əsasən, Azərbaycanda qızılın bir troya unsiyasının (31.1034768 qram) qiyməti 22.797 manat və ya 0.3 faiz azalıb.

Trend-in Azərbaycan Mərkəzi Bankına (AMB) istinadən verdiyi məlumata görə, qızılın bir troya unsiyasının həftəlik orta qiyməti əvvəlki həftə ilə müqayisədə 257.0381 manat və ya 3.2 faiz azalaraq 7689.3839 manata bərabər olub.

Həftə ərzində gümüşün bir troya unsiyasının qiyməti 1.8762 manat və ya 1.5 faiz artıb. Gümüşün bir troya unsiyasının həftəlik orta qiyməti isə ötən həftə ilə müqayisədə 16.08911 manat və ya 11.1 faiz azalaraq 128.44564 manat olub.

Platinin bir troya unsiyasının qiyməti həftə ərzində 14.5945 manat və ya 0.4 faiz azalıb. Platinin bir troya unsiyasının həftəlik orta qiyməti isə ötən həftə ilə müqayisədə 233.4729 manat və ya 6.6 faiz azalaraq 3321.5161 manat təşkil edib.

Azərbaycanda palladiumun bir troya unsiyasının qiyməti həftə ərzində 37.5785 manat və ya 1.6 faiz azalıb. Palladiumun bir troya unsiyasının həftəlik orta qiyməti isə əvvəlki həftə ilə müqayisədə 163.305825 manat və ya 6.5 faiz azalaraq 2352.7133 manat təşkil edib.

Qeyd edək ki, 11 may Azərbaycanda bayramla əlaqədar qeyri-iş günü olduğundan həmin tarixə dair göstəricilər açıqlanmayıb.