Azərbaycan, Bakı, 4 may /Trend/
Tofiq Bəhramov adına Respublika stadionunda "Qarabağ" Bakının "Neftçi" klubu ilə qarşılaşıb.
Trend-in məlumatına görə, oyunda ilk topu "Neftçi"nin hücumçusu Nikolas Kanales 22-ci dəqiqədə vurub (0:1).
Oyunun 72-ci dəqiqəsində isə "Qarabağ"ın yarımmüdafiəçisi Riçard Almeyda cavab qolu vuraraq hesabı bərabərləşdirib (1:1).
84-cü dəqiqədə Kanales bu oyunda ikinci qolunu vuraraq (1:2) komandasını irəli çıxarıb.
Beləliklə, "Neftçi" bu oyunda qələbə qazanaraq çempionluğa daha da yaxınlaşıb.