...

Azərbaycanlı gimnast: Bu mənim ən yaxşı çıxışımdır

İdman Materials 23 İyul 2019 15:49 (UTC +04:00)
Azərbaycan gimnastı Ağakazım Rüstəmov "EYOF Bakı-2019"da öz çıxışından razı qaldığını bildirib.
Azərbaycanlı gimnast: Bu mənim ən yaxşı çıxışımdır

Bakı. Cani Babayeva - Trend:

Azərbaycan gimnastı Ağakazım Rüstəmov "EYOF Bakı-2019"da öz çıxışından razı qaldığını bildirib.

Trend-in məlumatına görə, gimnastika ilə 11 yaşından məşğul olan idmançı deyib: "Üç qurğuda hərəkətlər nümayiş etdirdim - sərbəst hərəkətlər, idman atı və dayaqla tullanma. Bu, artıq üçünçü yarışımdır və bu gün ən yaxşı çıxışımı nümayiş etdirdim".

A.Rüstəmov qeyd edib ki, bu yarışlarda bütün rəqiblər güclüdür.

O deyib: "Bu gün burada iştirak edən idmançılar bütün Avropanı təmsil edir və ən güclülərdir. Özüm üçün əsas rəqib olaraq Ukrayna və Rusiya idmançılarını görürəm".

Qeyd edək ki, iyulun 21-də Bakıda XV Avropa Gənclər Yay Olimpiya Festivalı start götürüb. İyulun 27-nə qədər davam edəcək mötəbər turnir 12 idman obyektində keçiriləcək.

Məqalədə:
Xəbər lenti

Xəbər lenti