Bakı. Trend:
İngiltərənin “Mançester Siti” komandası kapitanı Kayl Uolkerin əvəzləyicisini müəyyən edib.
Trend-in məlumatına görə, “şəhərlilər” “Nottinqem Forest”in müdafiəçisi Ola Ainanı transfer edəcək. Baş məşqçi Xosep Qvardiola müdafiənin hər iki cinahında oynamaq bacarığı olan futbolçunu komandasında görmək istəyir.
Qışda nigeriyalı oyunçu və komanda arasında müqavilə şərtləri ilə bağlı danışıqlar olacaq.
Ola Ainanın “Nottinqem Forest”lə sözləşməsi 2025-ci ilin yayında başa çatacaq. O, bu mövsüm 18 oyunda 2 qolla yadda qalıb.
Qeyd edək ki, Kayl Uolkerin “Mançester Siti” ilə müqaviləsi növbəti mövsümün sonunda yekunlaşacaq.